Mendi ibilaldiak - valderejoparkea

Valderejoko Parke Naturala nahiko txikia da, 3500 hektarea ditu, baina hala ere, askotariko giroak eta paisaiak daude bertan.

Bederatzi ibilbidez osatutako sareak ibiltariari aukera ematen dio parke natural honetako txokorik ederrenak ezagutzeko, landareak eta animaliak ikusteko eta, horrez gainera, lurralde honetan bizi diren eta bizi izan ziren gizakien ohituren eta kulturaren berri izateko. Ibilbide gehienak motzak dira, baina elkarrekin lotu daitezke “ibilaldi luzeak” egin nahi izanez gero. Zure ibilbidea antolatzerakoan, kontuan izan ur iturri bakarra duen tokia Lalastra dela.

Hainbat bide daude parkeko eremu altuenetara joateko –La Sierra, Vallegrull, Leron, Boveda–, eta bertan egonik ikuspegi panoramiko ederraz gozatu daiteke, Valderejo eta haran mugakideak ikusi daitezkeelako.  Horregatik, leku horiek aztarnak utzi zituzten haraneko antzinako bizilagunengan. Horren adibide garbia dira Done Laurendiko tumulu zelaia eta Lerongo menhirra. Bide gehienak lau herrietako batean hasten dira, hondarretan dauden herrietatik (Villamardones eta Ribera) edo oraindik “bizirik” daudenetatik  (Lahoz eta Lalastra) hasi daitekeelarik oinez. Herrietatik paseatzean antzinako erabilerak eta ohiturak ikusi daitezke, batzuk oraindik ere mantentzen direnak. .