Eduki publikatzailea

Visita casa del parque Valderejo

Ezagutu parketxea

Lalastra herria bukatzen dagoela dirudienean, errepidearen eskuineko aldean eraikin berezia ikusiko dugu, zoragarria dena kristalengatik eta egurrezko egiturarengatik. Hain zuzen ere Parketxea da, Lalastrako antzinako eskola zegoen lekuan eraiki zena. Bertan Valderejoko ondare naturalari eta kulturalari buruzko informazioa jaso dezakegu. Eta bertan emango dizkigute baita ere ibilbideei, interesguneei eta abarri buruzko informazioa eta aholkuak

Gasteiztik A-1 errepidetik joango gara Langraiz Okaraino. Ondoren Pobes, Gesaltza AƱana eta Espejo norabidea hartzen da, Uribarri Gaubeara iritsi arte. San Zadornilgo Donemiliagan hasten da Lalastrara doan bidea.

 

Gainera, Parketxean museo etnografikoa dago. Zentroa antzina Valderejoko Udaletxea zegoen lekuan kokatuta dago, Lalastrako kale nagusian, elizara iritsi aurretik. Bertan daude elementu historikoak, artisautzakoak eta landakoak, eta horien bitartez haran berezi honetako antzinako bizilagunen tradizioak eta bizitzeko modua nolakoak ziren ezagutuko dugu: teilak egitea, saskigintza, erlezaintza, eta abar.

 

Parketxearen atzean aisialdirako eremu handia dago mahaiekin, barbakoak egiteko lekuekin eta kulunkekin. Ribera herrian ere piknikgune txiki bat dago mahaiekin.

DATUAK

Telefonoa

945 35 31 46

Helbide elektronikoa

parquevalderejo@parques.araba.eus

Orditegia

Neguan (urritik martxora):

  • Asteartetik ostiralera, 10:00-14:30 eta 16:00-17:30
  • Larunbat, igande eta jaiegunetan, 9:00 - 15:00

 Udan (apiriletik irailera):

  • Asteartetik igandera, 10:00-14:30 eta 16:00-19:00

Oharrak: Astelehenetan itxita egoten da.