06 Senda San Lorenzo eu - valderejoparkea
Done Laurendi bidea
Bidezidorraren deskribapena
Villamardonestik Done Laurendi ermitara
Lalastratik, errepide zaharretik joanez gero, Villamardones izeneko abandonatutako herrira iritsiko gara. Hondarretan dagoen elizaren aurrean kokatutako hagin bat izango da gure erreferentzia malda txikia duen bidea hartzeko. Eskuinean pinu gorriz eta pago ederrez osatutako baso batean sartuko gara, eta pixkanaka igoz ermitaraino iritsiko gara. Basoa igaro ondoren malda handiagoa da.
Iritsi garela jakingo dugu haitzen ondoan kokatutako metalezko gurutze handia ikustean. Hor, haranaren lautada zoragarria ikusiko dugu, baita Boveda eta Gobea mendateetako haitzak ere. Done Laurendi ermitatik Vallegrull bidearekin lotura egin daiteke Riberara jaisteko edo Vallegrull mendiaren tontorrera joan gaitezke. Sierra bidea ere hartu genezake.
Ordezko bideak
Ezkerrera jarraitu ermitarako bidean zelaietatik, pinu txikien eta ipuruen artetik, eta “El Cubo” izenez ezagutzen den ingurura arte jaitsi. Bertan, 100 metro oinez egin ondoren, hegaztien behatoki batera iritsiko gara, eta bertatik Vallegrullgo harkaitzak ikusiko ditugu. Putzutik behera egingo dugu ipuru baso batetik, eta ezkerrean utziko dugu hesi bat. Ondoren, bidea pagadi basoetan sartzen da.
Ezkerrerako bihurgunearen ondoren eremu txiki batera iritsiko gara eta berriz ere pagadi eta hurrondo artean sartu eta Villamardonesko haginera iritsiko gara.
DATUAK
Denbora
Malda
235 m.
Distantzia
2,6 km.
Beste bidezidor batzuk
