Lalastratik Purongo haitzartera

Lalastratik seinaleak dituen bidea hartu behar da, Interpretazio Zentroaren aurrean dagoena, eta heskai, pinudi eta antzinako horma inguruetatik oinez egin behar da. Pixka bat oinez egin ondoren parke osoa ikusi daiteke, eta ohol interesgarri batean paisaiaren eraldaketari buruzko informazioa irakurri daiteke. Ondoren, pixkanaka jaisten hasten da bidea, elorri triska eta ipuruen artean. Eskuinean pinu gorriak eta pagoak ikusi daitezke. Bidegurutzean, ezkerrean Portillako bidearekiko lotura dago, eta eskuineko bidea hartu behar da, pinuditik, errepidea gurutzatzen duen Polledo erreka ikusi arte.

Lehendabizi egurrezko atetik igaro eta orduan pinuen ordez arteak ikusi daitezke. Trokarte bukaeran jada Puron ibaia sentitzen da, eta azkar pagoz osatutako bidearekiko modu paraleloan igarotzen dela ikusiko dugu. Hondarretan dagoen Riberas herriko eliza ikusi daiteke haitzen artean. Herrira iristean, aisialdirako lekua eta iturria daudela ikusiko dugu.

Zubia igarota, zelai handi baten ondoren, eta ate batzuetatik igaro eta gero, pinuen, erkametzen, ur garbien eta ur jausien artetik jaitsi eta luzeran 500 metro inguru dituen haitzartera iritsiko gara, hain zuzen ere Valderejo eta Burgosko Tobalina harana lotzen dituena. Haitzartetik atera eta berehala seinaleztatutako bidegurutzea dago, Santa Anako bidearekin lotzen dena. Aurreko bidea jarraituz gero, Burgosko Herran herrira iritsiko gara.