La Sierrako mendatetik Done Laurendi ermitaraino

Bovedako bideko azken zatian hasten da, La Sierra mendateko gainaldean. Gutxi markatutako bide bat ezkerrera doa eta Recuencoko mendi tontorrerainoko gandorra igarotzen du.

Bide haitz artetik doa, hainbat lore ikusi daitezkeelarik. Geroago pagadi bat dago, eta hura igarotzean, ezkerreko aldean oso argi ikusten da Lahoz herria, eta atzean Recuencoko mendi gailurra.

Ezkerrean gurutze bat atzean utzi ondoren, Leron mendateko muinoraino iritsiko gara. Altitude horietako landaredia nagusia txilarrek osatzen dute. Hemendik haranera jaisteko aukera dago Lerongo bidetik edo Recuencora ere igo gaitezke. Haitzak inguratuz, bidean aurrera egiten da pago eta pinu txikien artean, eta Barreron mendatera iritsiko gara. Bertan, Puron-Coronas bidearekiko lotura egin daiteke eta Lahozera jaitsi.

Aurrera jarraituz Done Laurengi ermita eta Vallegrull mendia ikusi daitezke. Bidegurutzera iristean aurrera jarraitu eta Done Laurendi ermitara iritsiko gara, haranaren zaindariaren ermitara. Hortik Vallegrullera jaitsi gaitezke, edo Done Laurendi bidetik Villamardonesera joan gaitezke.