Conservación del patrimonio genético frutal proyecto eu - valderejoparkea

Valderejoko Parke Naturaleko fruituen ondare genetikoa ezagutarazteko, 2006 urtetik aurrera Parke Naturalean dauden fruitu arbolak aztertzeko eta ezaugarritzeko lanak egin dira.

 

Fruitu arbola horiei buruzko informazio gehiago eta hobea jasotzeko ezaugarritze botanikoak zehaztu dira eta informazio etnobotanikoa jaso da. Bisitak eginez eta informatzaileen testigantzekin (batzuk haranean bizi izan zirenak eta beste batzuk gaur egun bizi direnak) 18 espezie ezberdinetako 164 fruitu arbola aurkitu zituzten.

 

Valderejoko Parke Naturaleko fruituen aniztasun genetiko hori ezagutarazteko, ez da bakarrik  antzina landutako fruta materiala kokatu, baizik eta azterketa eremua gehitu da, egoera basatian dauden edo basati bihurtu diren fruitu arbolak ere aztertuz.

 

Ezaugarriek erakusten dute aurkitutako zuhaitzik gehienak ez datozela bat gaur egun ezagutzen ditugun barietate komertzialekin; horrek erakusten du aztertutako fruta arboletako asko tokiko barietatea direla. Aztertu diren 164 zuhaitz arboletatik kontserbatzeko interesgarriak dira 54.

 

Tokiko barietate hori Lalastran dagoen baratze batean gordeta dago, eta urtero jarduerak egiten dira proiektuaren hedapenerako